На аеродромот во Стразбур е уапсен Нигериец во чиј стомак се пронајдени девет кондоми во кои имало 79.000 евра.
Нигериецот, кој работел како мијач на садови во еден ресторан на шпанските Балеарски Острови, во својата торба носел и уште 13.000 швајцарски франци сокриени меѓу облеката, на кои куче трагач открило остатоци од марихуана.
По откриените франци, тој бил подложен на ренгенско снимање, при што полицијата во неговиот стомак ги открила деветте кондоми наполнети со пари.
Тој е обвинет за перење пари заработени од продажба на наркотици, како и за лажење на царинските власти.