Израелскиот премиер Бенјамин Нетанјаху беше на обиколка на Појасот Газа, каде разговараше со војниците и обиколи еден од тунелите што беа откриени.
„Ние сме овде во Газа со нашите херојски борци. Правиме максимални напори да ги вратиме нашите киднапирани и на крајот ќе ги вратиме сите. Имаме три цели за оваа војна: да го елиминираме Хамас, да ги вратиме сите наши киднапирани и да се осигураме дека Газа веќе не e закана за државата Израел“, рече тој.
„Тука сум да им кажам на моите пријатели овде, на борците овде кои ми ги кажуваат истите работи, а ова ви го повторувам и ваm, граѓаните на Израел: ќе продолжиме до крај – до победа. Ништо нема да не спречи и уверени сме дека имаме сила, моќ, волја и одлучност да ги постигнеме сите воени цели и ќе го направиме“, рече тој.