Израелскиот премиер Бенјамин Нетанјаху одлучи вечерва да префрли околу 400 милиони шекели (околу 80 милиони евра) на Палестинската управа (ПУ), собрани претходниот месец од такси и даноци за Палестинците, но задржани во знак на одмазда за де факто признавањето на палестинската државност во ОН.
Извори блиски на Нетанјаху рекоа дека тоа е еднократен трансфер на кој премиерот се одлучил поради економските тешкотии со кои се соочува ПУ.
Нетанјаху во понеделникот се сретна во Ерусалим со претставникот на четворката на блискуисточните посредници (ОН, САД, ЕУ и Русија), Тони Блер и разговарал за тоа.
Владините извори врз кои се потпира израелскиот печат, ги отфрлија шпекулациите дека тоа е една од мерките за градење доверба спрема ПУ по неодамнешните израелски избори во обид да се создаде позитивна атмосфера.
Исто така отфрлено е мислењето дека таквиот потег е поврзан со ставот на Нетанјаху да изгради новата владина коалиција во која ќе влезе нова партија на центарот Ješ atid, а која промовира преговори со Палестинците.
Понатамошен трансфер на пари, наводно, ќе се разгледува од месец до месец.