Непал денеска го доби првиот пишан Устав, подготвен од пратениците, откако претседателот Рам Баран Јадав го објави неговото стапување во сила, пренесува ДПА.
– Го прогласувам новиот Устав на Непал за активен пред народот на Непал, изјави Јадав, откако го потпиша документот на церемонија во парламентот.
Сега желбите на народот добија конкретна форма. Со овој документ се институционализира федералната демократија во Непал, истакна претседателот.
Сепак, новиот Устав е донесен во време на насилство, откако јужните делови на Непал се зафатени од немири во кои загинаа 40 лица.