Средбите меѓу израелските и палестинските пртеговарачи што се одржаа изминатов викенд, не доведоа до напредок во мировните преговори, соопшти денеска неименуван претставник на Палестинската автономна управа.
Средбите меѓу преговарачите изминатиов викенд се одржаа во рамките на четвртиот круг мировни преговори меѓу Изџраел и Палестинците.
Истиот извор најави дека е можно утре да се одржи нов круг на преговори, нагласувајќи дека Израел „не е подготвен да направи никакви отстапки“ што би довело да договор во блиска иднина.
Израелско-палестинските мировни преговори по тригодишен прекин беа возобновени кон крајот на јули. По ова, во текот на август се одржаа уште две рунди од преговорите.
Претходните мировни прегооври беа прекинати во септември 2010 година, откако Израел донесе одлука за изградба на нови еврејски доселенички населби на Западниот Брег.