Нема масовно распоредување на кинески трупи на границата со Северна Кореја

Од:

Нема масовно распоредување на кинески воени сили долж границата со Северна Кореја, јави денеска кинеската државна агенција Ксинхуа, по растот на тензиите на Корејскиот Полуостров.

– Извештаите за масовно распоредување на воени сили не се точни, изјави претставник на кинеското Министерство за одбрана, кој ги демантираше странските вести за префрлување на кинеските воени единици долж границата со Северна Кореја.

– Кина мошне внимателно го следи развојот на моменталната ситуација на Корејскиот Полуостров и секогаш била приврзана кон зачувувањето на мирот и стабилноста во североисточна Азија, додаде кинескиот претставник.

Пјонгјанг во вторникот предупреди дека странските организии, компании и туристи во Јужна Кореја треба да ја разгледаат можноста за заминување од таа земја, бидејќи ситуацијата на Корејскиот Полуостров се приближува кон „термонуклеарна војна“.

Кина изминатите недели постојано повикуваше на мир и дијалог за Корејскиот Полуостров, изјаснувајќи се против евентуалната конфронтација.

Би можело да ве интересира

Кинескиот потпретседател Хан Женг ќе присуствува на инаугурацијата на Трамп

Горан Наумовски

(ВИДЕО) Бројот на загинати во земјотресот во Тибет се искачи на 126

Горан Наумовски

Кинеска вселенска ракета експлодираше откако беше лансирана

Горан Наумовски

Кина распоредува голем број бродови околу Тајван

Горан Наумовски

Кинескиот министер за одбрана под истрага за корупција

Адмирал на НАТО до претприемачите: Подгответе воено сценарио