„Нема да има наметнат мир за Украина“, вели Шолц

Од:

Германскиот канцелар во заминување Олаф Шолц рече дека денешната средба е клучна за да се обезбеди континуирана поддршка за Украина, но ја истакна и важноста од одржување добри односи со САД. Шолц, исто така, ги коментираше плановите на идниот канцелар Фридрих Мерц за зголемување на трошоците за одбраната, „вклучувајќи ги и уставните промени“, додавајќи дека политичкиот консензус за ова прашање се чини дека расте во Германија.

Тој истакна дека ЕУ треба да ги приспособи своите правила на сличен начин за да одговори на новите безбедносни предизвици, а истовремено да внимава на „долгорочните решенија“.

Запрашан за предлогот на францускиот претседател Емануел Макрон за нуклеарно одвраќање, Шолц рече дека Европа не смее да се откаже од вмешаноста на САД. Неговата долгогодишна загриженост за ова прашање се однесува на стравот дека проширувањето на француската нуклеарна програма може дополнително да го поттикне американското повлекување од европската безбедносна архитектура.

Шолц повторно ја отфрли идејата за заеднички европски одбранбени сили.

Запрашан за можните мировни преговори, тој нагласи: „Многу е важно да се осигураме дека Украина не мора да прифати наметнат мир, туку да добиеме фер и праведен мир кој го гарантира суверенитетот и независноста на Украина“.

Би можело да ве интересира

Масовен руски напад на Киев

ВИДЕО: Украина три дена ја напаѓа Русија со дронови, затворени аеродромите во Москва

Катерина Ѓуровски

ВИДЕО: Русија во арсеналот воведува ракети воздух-воздух со нуклеарни боеви глави

„Ако Путин ја проголта Украина, следни се Полска и Балканот“

Украина ја напаѓа Москва со дронови, во Херсон загина жена

Катерина Ѓуровски

ВИДЕО: Русија нападна украински воен камп, има мртви и ранети