Постојаниот претставник на Русија во ОН Василиј Небензја тврди дека украинските вооружени сили го нападнале гасоводот Турски тек по дојава од Соединетите држави и Велика Британија.
„Имаме сите причини да веруваме дека нападот врз инфраструктурата на Турски тек е извршен врз основа на дојава од Вашингтон и Лондон, кои се заинтересирани за поврзување на ЕУ со скапиот течен природен гас (ЛНГ) од САД “ рече Небензја на состанокот на Советот за безбедност на ОН за Украина.
Рускиот претставник додаде дека Вашингтон и Лондон го спречуваат започнувањето на објективна меѓународна истрага за терористичкиот напад на Северен тек.