Меѓународниот тим на истражувачкиот центар на Европската организација за нуклеарни истражувања ЦЕРН соопшти дека е на чекор да ја открие мистериозната црна материја, која зафаќа дури една четвртина од космосот, но никогаш не е видена, пренесуваат светските агенции.
Научниците наведуваат дека во текот на проучувањето на космичките зраци забележани на Меѓународната вселенска станица, откриле нешто за кое сметаат дека е траг на темната материја.
Шефот на проектот, Самјуел Тинг во седиштето на организацијата во Женева изјави дека се потребно уште податоци за да научниците бидат сигурни дека е забележана темната материја.
Физичарите истакнаа дека конечната идентификација на темната материја би отворила нови полиња за истражување, вклучувајќи ја и можноста за повеќе универзуми и други димензии.
Темната материја, која ја опкружува галаксијата ширум универзумот, е невидлива бидејќи не рефлектира светлост.
Планковиот телескоп на европската вселенска агенција, минатата недела обелодени податоци веднаш по големиот прав пред 13,8 милијарди години, кои покажуваат дека темната материја сочинува 26,8 проценти од масата на универзумот, што е многу повеќе од поранешните проценки.
Елена Георгиевска