НАТО предупреди дека руската војска претставува опасност за Алијансата и дека таа е распоредена во источна Украина иако Москва тоа го негира.
Заменик командантот на заедничката команда за Европа, генерал полковникот Едријен Бредшо, наведе дека се претпоставува дека руските конвенционални сили во иднина би можеле да бидат искористени не само за заплашување, туку и за потенцијално заземање на територии на НАТО.
Тој во говорот во Кралскиот институт за одбрана и безбедносни студии во Лондон, истакна дека НАТО ќе започне да формира здружени воени единици во секоја од источните држави, кои би биле поддршка на Алијансата во тек на „константниот натпревар со Русија“.
Тие единици исто така ќе го олеснат распоредувањето на НАТО силите, а по потреба и ќе помагаат за одржување на „мултинационалното присуство на НАТО“, во источните држави.
Во тек на последните неколку месеци НАТО го зајакна своето воено присуство во балтичките држави поради украинската криза, а Алијансата тврди дека тој потег бил неопходен со цел да се обезбедат нејзините членки.
Е. Г.