НАТО продолжува да ја поддржува Украина и да ги зајакне нејзините одбранбени капацитети, а во 2023 година трошоците за одбрана на европските сојузници и Канада се зголемија за 11 отсто, што е невиден пораст.
Во 2024 година се очекува две третини од сојузниците да го достигнат или надминат прагот од два отсто од бруто домашниот производ (БДП) потрошен за одбраната, се наведува во годишниот извештај на Алијансата, кој денеска во Брисел го претстави генералниот секретар Јенс Столтенберг.
– БДП на Соединетите Американски Држави беше 53 отсто од БДП на сите сојузници, а трошоците за одбрана беа 67 отсто од сите сојузници. Се проценува дека во 2023 година вкупните трошоци на земјите од НАТО за одбрана ќе изнесуваат околу 1,1 милијарда долари – се наведува во извештајот на НАТО.
Враќањето на војната на европскиот континент го стави прашањето за одбранбените инвестиции во центарот на дебатата, а сојузниците не можат да си дозволат да ја намалат својата стража. На самитот во Вилнус, шефовите на држави и влади оценија дека е важно сојузниците да продолжат да инвестираат во одбраната и да ги почитуваат своите обврски.
Од усвојувањето на првата инвестициска обврска во одбраната во 2014 година, овие земји направија дополнителни напори од повеќе од 600 милијарди долари, се додава во документот.
Се потсетува дека на самитот во Вилнус земјите од НАТО одобрија акционен план за одбранбено производство, кој треба да помогне да се забрза производството и да се надополнат залихите на оружје и муниција.