Населението во израелските населби на Западниот Брег се зголемило за повеќе од два проценти во првата половина на 2013 година – два пати повеќе отколку во Израел.
Во првите шест месеци од годината бројот на доселениците се зголемил за 7.700 (2,1 проценти) и достигнало 367.000 лица, додека прирастот на населението на израелска територија е два отсто годишно, јави израелското воено радио, цитирајќи податоци на Министерството за внатрешни работи.
Во малите изолирани еврејски населби на Западниот Брег, кои можат да бидат разурнати по евентуално потпишување на мировен договор со Палестинците, населението се зголемило за 2.400 лица во првото полугодие и достигнало 40.000 лица.
Израелскиот премиер Бенјамин Нетанјаху одби јавно да го објави замрзнувањето на доселувањето, како што бараа Палестинците пред обновувањето на билатералните преговори на крајот на минатиот месец во Вашингтон.