Истрагата ги потврди податоците дека сторителите на терористичкиот напад врз „Крокус“ примиле значителни суми пари и криптовалути од Украина, објави Телеграм каналот на Рускиот истражен комитет.
„Првите резултати од истрагата целосно го потврдуваат планираниот карактер на акциите на терористите, внимателната подготовка и финансиската поддршка на организаторите на злосторството. Како резултат на работа со приведени терористи, проучување на техничките уреди одземени од нив и анализа на информации за финансиски трансакции, добиени се докази за нивната поврзаност со украинските екстремисти“, се вели во соопштението.
Како што се посочува, истрагата ги потврдила податоците дека извршителите на терористичкиот напад добиле значителни суми пари и криптовалути од Украина, кои биле искористени за подготовка на злосторството.
Претходно директорот на ФСБ Александар Бортников објави дека првите информации добиени од уапсените во случајот со терористичкиот напад во „Крокус“ ја потврдуваат украинската трага.
Според него, терористичкиот напад бил корисен за западните разузнавачки служби и Украина со цел да се дестабилизира ситуацијата во Русија и да се сее паника во општеството.