Авганистански полицац и шестмина талибанции загина изутринава при напад врз канцелариите на гувернерот на авганистанската провинција Панжшир, северно од Кабул.
Шестмина бунтовници во полициски униформи околу 4 часот по локално време влегле во канцелариите на гувернерот на оваа планинска провинција. Петмина од нив се убиени по едночасовна престрелка со полицијата, а шестиот се самоубил со активирање бомба убивајќи еден локален полицаец.
Канцелариите не се резиденција на гувернерот и тој не се наоѓал таму во моментот на нападот.
Талибанците преземаа одговорност за нападот.