Русија изврши ракетен напад врз јужниот пристанишен град Одеса, изјави шефот на кабинетот на украинскиот претседател Володимир Зеленски.
– Меѓу загинатите има и тримесечно бебе, објави на Телеграм Андриј Јермак. Повредени се 18 лица, додаде тој.
This Orthodox Easter the #Kremlin is telling the Ukrainian people there is nowhere to be safe.#Odesa, #Ukraine ?? pic.twitter.com/hHVfwXDkrx
— Thomas van Linge (@ThomasVLinge) April 23, 2022
Украинските власти, исто така, соопштија дека ракетите погодиле воен објект и две станбени згради во градот.
На фотографиите се гледа дека ракетата паднала среде повеќекатна станбена зграда во која останала огромна дупка.
„Единствената цел на руските ракетни напади врз Одеса е терор“, оцени украинскиот министер за надворешни работи Дмитро Кулеба. „Русија мора да биде означена како држава која спонзорира тероризам и соодветно да се третира. Без бизнис, без контакти, без културни проекти. Потребен ни е ѕид меѓу цивилизацијата и варварите кои со проектили гаѓаат мирни градови“, напиша на Твитер украинскиот министер.
Извор: МИА