Најмалку пет индиски војници се убиени денеска во напад во регионот Кашмир, долж границата со Пакистан, изјави висок индиски службеник.
Нападот е во време кога Индија и Пакистан прават напори за обновување на мировните преговори, прекинати во јануари по нападите на границата во кои загина еден индиски војник.
Главниот премиер на индиската сојузна држава Јаму и Кашмир, Омар Абдулах, на својот „Твитер“ профил објави: Рано изутринава бев информиран дека петмина наши војници се убиени на границата. Изразувам длабоко сочувство до нивните семејства.
Според индиските медиуми најновиот инцидент на границата бил напад на пункт на индиската армија во Кашмир.