Најмалку две лица загинаа, а повеќе од 40 се повредени во самоубиствен напад извршен во јужниот дел на Авганистан, соопштија локални официјални претставници.
– Бомбашот самоубиец го активирал експлозивот поставен во камион пред влезот во седиштето на полицијата, изјави портпаролот на локалната полиција Фарид Ахмад Обаид.
Засега никој нема преземено одговорност за нападот, но се претпоставува дека го извршиле талибанците.