Најмалку 70 лица се водат како исчезнати откако патнички брод потона во централниот дел на филипините, соопшти вечерва филипинската Служба за цивилна заштита.
Во соопштението се посочува дека во време на бродоломот, што се случил кај осторовот Лејте, на бродот имало 58 патници и 26 членови на екипажот.
Причина за потонувањето на бродот „Махарлика“ најверојатно е лошото време проследено со силни ветрови и големи бранови.
Службата за цивилна заштита информира дека спасувачките екипи досега пронашле само 14 преживеани патници од бродот. Потрагата по исчезнатите продолжува.