Најмалку 376 лица загинаа, а речиси 2.000 се повредени во земјотресот што во неделата ја погоди провинцијата Јунан, во југозападниот дел на Кина.
Според Американскиот геолошки институт земјотресот бил со јачина од 6,1 степен по Рихтер, додека кинеската сеизмолошка служба соопшти дека потресот бил со јачина од 6,5 степени по Рихтер.
– Најмалку 367 лица загинаа, а 1.881 е повредено, соопшти кинеската агенција Синхуа, повикувајќи се на спасувачките служби. Епицентарот на потресот бил на длабочина од 10 километри, под градот Лионгтоушан, што е најтешко погоден.
Според кинеските власти тоа е најтешкиот потрес во провинцијата Јунан во изминатите 14 години. Генералниот секретар на ОН Бан Ки-мун изрази сочувство на кинеската влада и семејствата на загинатите. Во соопштението се наведува дека ОН се подготвени да пружат помош на кинеските власти.