Најмалку 30 луѓе загинаа денеска во северозападен Пакистан во напад на талибанци врз пункт на провладина милиција.
Околу 300 исламисти бунтовници вооружени со минофрлачи и огнено оружје презедоа напади во текот на ноќта врз реон на градот Пешавар, близу границата со Авганистан.
Талибанците се повлекле по неколкучасовна борба.
Според владини извори, убиени се 15 бунтовници и уапсени осуммина талибанци. Во гранатирањето загинале тројца цивили. Талибанците објавија дека убиле 13 припадници на провладината милиција.