Најмалку 24 лица загинаа, а 299 се повредени во лизгање на земјиштето и поплавите предизвикани од тајфунот Јаги во северниот дел на Виетнам за време на викендот, соопшти утринава владата, предупредувајќи на дополнителни поплави.
Тие процениле дека тајфунот е најсилната бура што ја погодила Азија од почетокот на годината, пренесува Ројтерс.
Метеоролошката агенција денеска предупреди на нови поплави и одрони, истакнувајќи дека количината на врнежи во изминатото деноноќие се движела меѓу 208 и 433 милиметри во повеќе делови од регионот.