Најмалку 22 лица загинаа и стотици се повредени во Бангладеш во судир на полицијата и неколку десетици илјади исламисти кои бараат воведување закон против богохулење, соопштија денеска полицијата и извори од болниците.
Портпарол на полицијата изјави дека синоќа и ноќесна силите на редот употребиле звучни гранати, водени топови, солзавец и гумени куршуми за да растераат најмалку 70.000 исмалисти кои се собраа во трговски дел од градот Мотиџхила барајќи воведување на законот.
– Тие напаѓаа со цигли, камења, шипки и бамбусови стапови, изјави Масудур Рахман, портпарол на полицијата. Демонстрантите се разотидоа денеска.
Судирите почнаа вчера попладне по локално време и траеја со до утрото денеска. Протестите почнаа откако неколкустотици илјади исламисти кои бараат воведување нов закон против богохулење, блокираа автопатишта.
Активисти на екстремистичката органзиација Хефаџат-е-ислам демонстрираа низ шест автопатишта блокирајќи го сообраќајот меѓу Дака и други градови и притоа извикуваа: Едно барање-атеистите мора да бидат обесени.