Деветнаесет работници денеска го загубија животот во пожар во фабрика за мебел во северниот дел на Каиро, предизвикан од експлозија на плинска боца, соопштија претставници на безбедносните служби и здравствените власти, пренесе Фена.
Во пожарот се повредени и 22 работници.
Според изјава на порпаролот на Министерството за здравство, Хошам Абдел Хафар, огнот се појавил во фабриката за мебел во индустриската зона Ал-Обур, на север од Каиро
Неколку противпожарни возила се упатени да го гаснат пожарот предизвикан од експлозија на плинска боца, што се проширил на три ката од фабриката, специјализирана за канцелариски мебел, и на нејзиниот склад, наведува претставник на безбедносните служби
Ваквите несреќи се честа појава во Египет заради слабиот квалитет на градбите и непочитување на безбедносните норми.