Најмалку 18 лица загинаа во напад на етнички Ујгури врз полиција на контролен пункт во кинескиот западен регион Синџианг, јави денеска Радио Слободна Азија.
Нападот се случил пред два дена во предградие на градот Кашгар, каде тензиите меѓу муслимански Ујгури и мнозинските Хан Кинези во изминатите неколку години често предизвикуваат крвави инциденти.
Напаѓачите убиле неколку полицајци со ножеви и бомби по упадот во сообраќаен контролен пункт со автомобил во округот Татакорук во Кашгар.
Полицијата одговорила на нападот и убила 15 осомничени лица, означени како терористи.
Нападот доаѓа на почетокот на муслиманскиот свет месец Рамазан.