Најмалку 15 лица загинаа, а 50 се повредени во автобуската несреќа која се случи вчера во бразилскиот туристички град Парати, на 250 километри јужно од Рио де Жанеиро.
Автобусот ја доживеал несреќата на пат кој го поврзува центарот на Парати со крајбрежното село Тринидаде. Потпарол на пожарникарската служба изјави дека спасувачките тимови продолжуваат да работат на местото на несреќата, за која причините се уште не се познати.
Во Бразил секоја година околу 43 илјади лица стануваат жртви на патни несреќи. Во март 54 лица загинаа во автобуска несреќа на пат кон јужната држава Санта Катарина.