Во силниот земјотрес на југот од Тајван, во текот на кој дошло до уривање на една зграда од 17 ката, погинале најмалку 14 лица, меѓу кои се 10 дена старо девојче и едно мало дете, информираа денеска локалните власти.
Се стравува дека уште 150 лица се затрупани под урнатините, пренесоа американските медиуми.
Околу 800 војници, заедно со припадниците на спасувачките екипи и кучиња тргачи, се во потрага по преживеани.
Спасувачките служби на градот Тајнан информираа дека две деца и две возрасни лица се најдени мртви под урнатините на зградата, како и дека потрагата по преживеаните е се уште во тек.
Најмалку 230 лица се живи извлечени од под урнатините, додека речиси 380 лица се здобиле со повреди во силниот земјотрес.
Силен земјотрес со јачина од 6,4 степни според Рихтеровата скала синоќа го погоди јужен Тајван, информира Американскиот геолошки институт.
Епицентарот на потресот се наоѓал на 25 километри јужно од градот Јуџинг, наведува Институтот.