Бројот на загинатите во рускиот ракетен напад врз градот Славјанск, во источна Украина, се зголеми на 11, соопштија денеска официјални лица.
Уште 21 лице беа ранети во нападот во петокот, јавува Ројтерс.
Службите за итни случаи во источниот регион Доњецк соопштија дека меѓу загинатите има и двегодишно дете.
Гувернерот на Доњецката област Павло Кириленко претходно изјави за националната телевизија дека биле истрелани седум руски ракети С-300.
Кириленко рече дека најмалку седум локации биле погодени во Славјанск, западно од градот Бахмут, каде што се водат најтешките борби меѓу украинските и руските сили.