Најмалку 95 лица загинаа денеска додека се обидувале да соберат бензин што истекувал од еден танкер кој се превртел и запалил во Делтата на реката Нигер во јужниот дел на Нигерија.
„Танкерот полн со бензин се преврти во местото Окогбе по што околу него се насобраа луѓе кои го собираа горивото што истекуваше. Но, во меѓу време изби пожар, кој предизвика голем број жртви“, изјави портпаролот на полицијата на нигериската сојузна држава Риверс, Бен Угвуегбулам.
Според него, конечниот биланс на жртвите се уште не е познат, но досега се пронејдени телата на 92 загинати лица, меѓу кои има и жени и деца.