Најмалку 60 лица загинаа во поплави и свлечишта предизвикани од поројните дождови, што ги зафатија јужните делови на Кина, соопшти кинеската Комисија за справување со елементарни непогоди.
Според податоците на Комисијата, при поплавите и лизгањето на земјиштето биле урнати или оштетени околу 9.300 станбени објекти, а од погодените региони биле евакуирана над 356.000 лица.
Поплавите зафатиле 249 населени места во 44 општини, поплавувајќи подрачје на кое живеат над 4,5 милини лица.
Прелиминарните проценки за штетите од поплавите и свлечиштата изнесуваат околу 1,4 милијарди долари.