Повеќе од 50 новинари биле повредени, малтретирани и уапсени од почетокот на протестите во Бразил, соопшти бразилската Асоцијација за истражувачко новинарство.
Протестите избувнаа поради зголемување на цената на билетите за градскиот транспорт, а потоа преминаа во антивладини протести поради корупцијата во Владата, високите даноци, лошиот квалитет на јавните услуги и големите расходи за спортските настани како Купот на конфедерациите, Мундијалот и Летните олимписки игри.
Асоцијацијата тврди дека 34 новинари биле жртва на агресија или закани од страна на полицијата, шест репортери биле уапсени, а 12 новинари биле повредени од демонстрантите.