При експлозија на бомба во близина на џамијата Ал Раудах на полуостровот Синај во Египет загинаа најмалку 235 лица, а повредени се 109.
Експлозијата се случила за време на пладневната молитва, по што четворица напаѓачи отвориле оган кон верниците кои ја напуштале.
Армијата и полицијата ја претресуваат целата област, а во сите болници е прогласена вонредна состојба.
Египетскиот претседател Абдел Фатах ал Сиси свика итен состанок на безбедностните служби и формирана е комисија за истражување на бомбашките напади.
Засега никој нема преземено одговорност за нападот, а Владата прогласи тридневна жалост.