Над 200 судански војници од контингентот на арапската коалиција загинаа во ракетен напад на воена база во јужен Јемен, извршен од движењето на шиитските бунтовници Хути, „Ансар Алах“, јави денеска телевизијата Ал Мајадин.
Според информациите на телевизијата Хутите истрелале балистичка ракета врз базата Ал Анад во провинцијата Лахиџ. Убиени се над 200 судански војници, кои се наоѓале таму, уништени се неколку оклопни возила и хеликоптери „Апачи“.
Воената команда на „Ансар Алах“ соопшти дека ракетата точно ја погодила саканата цел и нанела значителни штети на базата.
Арапската коалицијата засега не дала официјален коментар за инцидентот.