Над 20.000 лица настрадаа од поплави како последица на поројни дождови во јужниот дел на Бразил. Според првичните информации две лица загинале, соопшти службата за цивилна одбрана во државата Рио Гранди Сул, каде е прогласена вонредна состојба.
Најзасегната е општината Итаки, што се граничи со Аргентина, каде поплавените домови биле принудени да ги напуштат над 9.000 лица. Во градот Уругуаја без покрив над главата останале над 5.000 лица.
Ситуацијата во настраданите региони се усложнува од претстојното заладување. Метеоролозите прогнозираат дека во наредните два дена во јужните реони на земјата, над кои се формирал студен атмосферски бран, дождовите ќе продолжат, а температурите може да паднат до 6 степени целзиусови.