Повеќе од 140 лица се повредени во судар на два патнички воза во градот Мескита, во бразилската држава Рио де Жанеиро.
До несреќата дошло вчера навечер, во 22.20 по средноевропско време, кога во еден од возовите кој стоел на станицата, удрил воз зад него на истиот колосек, соопшти шефот на сообраќајната служба на државата Рио де Жанеиро Карлос Осори, пренесува Танјуг.
Според извештаите, дел од патниците се полесно повредени и префрлени се во четири локални болници.
Регулатирната агенција Агетрансп спроведува истрага за причината на несреќата.