Повеќе од 100 илјади луѓе загинале во Сирија од почетокот на судирите во таа држава во март 2011 година, соопшти денеска опозициската сириска органзиација за човекови права.
Таа организација со седиште во Британија, наведува дека загинале 100.191 луѓе, од кои 36.661 цивил. Меѓу цивилите жртви се 3.000 жени и повеќе од 5.000 деца помлади од 16 години.
Според нив, загинале 16.072 бунтовници. Бројот на жртви кај режимските сили е 25.407 војници, 17.331 припаднци на прорежимски милиции и 169 членови на либански Хезболах. Тие додаваат дека 2.571 жртва се уште не е идентификувана.