Во вториот квартал од оваа година во земјите-членки на ЕУ биле поднесени над 100 илјади барања за азил, што претставува зголемување од 50 проценти на годишно ниво, објави денеска Европската статистичка служба „Евростат“.
Најголем број апликации за азил поднеле граѓани на Русија, Сирија и Косово.
Најмногу барања се поднесени во Германија (26.400), а потоа следуваат Франција (16.424), Унгарија и Велика Британија (по околу 9.000) и Италија (околу 6.000 барања).
Најголем број барања за азил во ЕУ во второто тримесечје на годинава поднеле државјани на Русија (16.845), Сирија (8.310), Косово (8.140), Авганистан и Пакистан (по околу 6.000) и Сомалија (4.285).