На социјалните мрежи се појави фотографија на која наводно се гледа рускиот воен брод Москва, кој потона откако беше погоден од украински противбродски ракети.
Изворот на фотографијата е нејасен, а нејзината автентичност се уште не е потврдена. Но, воените експерти велат дека тоа би можело да биде автентично.
Looks like a legit photo of the Moskva after it was struck by Ukrainian Neptun anti-ship missiles. https://t.co/oVYDySpcd8
— Rob Lee (@RALee85) April 17, 2022
Роб Ли, докторант на Одделот за воени студии на Кралскиот колеџ во Лондон, на Твитер напиша дека фотографијата „изгледа автентична“.
OSINTechnical, добро познат профил на Твитер кој објавува разузнавачки информации од отворени извори, рече: „Не можам да ја потврдам автентичноста, но ова е крстосувач од класата Glory. Мислам дека ниту еден друг брод од таа класа не е уништен на овој начин“.
Се уште не е познато со стопроцентна сигурност зошто потонал командниот брод на руската Црноморска флота. Украина вели дека била погодена со противбродски проектили, а Русија тврди дека потонала како резултат на експлозии по пожар на брод.
Мајката на еден од морнарите од Москва за независниот руски весник Новаја Газета, раскажувајќи за разговор со нејзиниот син, изјавила дека бродот бил погоден од три проектили кои пристигнале од правец на Украина.