Претседателката на руската Централна изборна комисија (ЦИК) Ела Памфилова на претседателот на Русија Владимир Путин му врачи претседателско уверение со кое се потврдува неговата победа на претседателските избори.
– Владимир Владимирович, дозволете ми да ви го врачам претседателскиот сертификат – рече Памфилова за време на средбата со Путин во Кремљ.
Путин и се заблагодари на Памфилова за нејзината работа за време на претседателските избори одржани во март, пренесе ТАСС.
– Сакам да ви се заблагодарам вам и на вашите колеги, како во ЦИК, така и во локалните комисии. Знам дека тоа беше тешка, но многу важна работа за земјата и нејзината внатрешна стабилност, особено денес – рече Путин.