Во главниот град на Финска, Хелсинки, Украинската асоцијација постави многу детски обувки на еден од плоштадите, а покрај детските чевли, на плоштадот има и плишани играчки и жолти комбинезони.
Со тоа сакале да укажат на убиството на децата во Мариупол.
Не е познато колку деца се убиени во Украина, но утрово украинското обвинителство извести дека најмалку 177 деца се убиени, а 336 деца се повредени.
Нема податоци за загинати од градовите кои се под руска контрола или каде се водат секојдневни битки, па се стравува дека бројот на жртви ќе биде уште поголем.