На Филипините се уапсени 58 учесници во меѓународна мрежа за порнографија, чии жртви по навлекувањето да имаат „сајбер секс“ со Филипинци и Филипинки биле снимани, а потоа уценувани за суми кои се движеле од 10 долари, па до 11.000 илјади долари.
Податоците на прес конференција во Манила денеска ги соопштија шефот на филипинската полиција Алам Пурисима и директорот на секторот за борба против дигитален криминал на Интерпол Санџаи Вирмани.
Акцијата е покрената по самоубиството на 19 годишен шкотланѓанин „фатен’’ во уценувачката мрежа чија база била на Филипините.
Полицијата, со помош ма Интерпол, открила дека порно уценувачкиот тим користел фотографии и видео снимки на филипинци од двата пола и сите возрасти, најмногу деца. Уапсените ќе одговараат за организација на криминални секс активности и злоупотреба на интернетот.
Полицијата во Манила не соопшти дали меѓу уапсените има странци. Медиумите во Манила, повикувајќи се на свои извори, најавуваат слични полициски акции и во неколку други земји во југоисточна Азија, но и во европа.