Портпаролот на филипинската влада денеска во Манила соопшти дека продолжува полициската акција за дооткривање на учесниците во создавање и продавање на порнографија преку интернет. На 30 април филипинската полиција, во соработка со Интерпол, уапси 58 лица од северниот дел на Филипините. Тие ќе бидат обвинети за врбување, измама и уцена, бидејќи од кога успеале да создадат врски за „сајбер секс’’ ги уценувале учесниците во овие настани.
Портпаролот Агибејл Валте најави дека е стеснет кругот околу авторите и учесниците на интернет порнографијата што се создава на Филипините и дека со уште неколку полициски акции оваа појава ќе се сопре.