Филипинската Влада објави детали од законот што го потпиша претседателот Родриго Дутерте, со кој ќе се казнува широк спектар сексуално вознемирување.
Со законот ќе се казнува допирање, прогонување, несакани сексуални пристапи и сексистички или хомофобични коментари.
Активистките за правата на жените наведоа дека ќе биде тешко да се спроведе закон кој предвидува парични казни и казни до шест месеци затвор ако претседателот не дава добар пример.
Филипинскиот претседател го обвинуваат дека се прави шеги за силување и има непријатен став кон активистките за женски права.
Портпаролот на Дутерто изјави дека претседателот признал дека има потреба од таков закон и оти тој ќе биде првиот што ќе го почитува.
Според портпаролот, кога претседателот на Филипините се шегува, тој сака луѓето да се насмеат, а не да ги навреди.