Бизарен инцидент е снимен на музички фестивал на 5 мај минатата година во Флорида, а оваа недела доби и судски епилог.
Џејмс Андерсон (37) е осуден на 6 години затвор затоа што нападна полицаец и тешко го повреди, пишува New York Post.
Судот утврди дека Андерсон под дејство на наркотици го нападна полицискиот службеник, го гризна на главата и му откорна дел од месото.
„Насилството врз полицајците нема да се толерира, а криминалците кои ќе решат да го направат тоа ќе одговараат. Ова е најлошата рана од каснување што сум ја видел, а осудениот ќе ги помине следните неколку години во затвор“ – изјави главниот обвинител Џејкоб Кук.
Според судските документи, Андерсон се обидел да му го одземе пиштолот на полицаецот пред дивјачки да го нападне и да го гризне.
По апсењето, тврди полицијата, се пожалил дека има „влакна меѓу забите“.
Андерсон ја призна вината пред надлежниот суд каде ја слушна казната.