Претседателот на Јужна Кореја, Мун Џае-ин денеска изјави дека е потребна уште една средба помеу американскиот претседател Доналд Трамп и севернокорејскиот лидер Ким Џонг-ун пред претседателските избори во САД.
– Уште еден самит Трамп – Ким би помогнал да продолжат преговорите за севернокорејската нуклеарна програма, истакна Мун на видео средбата со претседателот на Европскиот совет Шарл Мишел.
По третата неуспешна средба помеѓу Трамп и Ким на 30 јуни 2019 година, Пјонгјанг соопшти дека неуспехот се должи на „стариот американски став и однесување“.