Мртви и ранети во оружен инцидент во училиште во Џорџија

Од:

Четири лица, меѓу кои двајца ученици и двајца наставници, се убиени, а девет лица се ранети и хоспитализирани во пукање во средното училиште Апалачи во Џорџија, јави Си-Ен-Ен.

„Полицијата примила повик за напаѓач со огнено оружје во училиштето околу 10.20 часот, а полицајците пристигнале на местото на настанот за неколку минути. Кога наишле на напаѓачот, тој веднаш се предал и бил приведен“, изјави директорот на Бирото за истрага во Џорџија, Крис Хоси.

Напаѓачот, идентификуван како Коди Греј (14), средношколец, е во притвор и ќе биде обвинет за убиство и ќе му се суди како возрасен, додаде Хоси.

Повеќе полициски извори соопштија дека училиштето добило телефонска закана непосредно пред нападот, кога непознато лице изјавило дека училиштето „Виндер“ ќе биде првото од петте училишта во кои се планирало пукање.

Полициски претставници за Си-Ен-Ен изјавија дека не се знае кој го упатил повикот, но дека повикот се истражува.

Би можело да ве интересира

Започнуваат најважните мировни преговори меѓу Европа и САД

Блумберг: САД ги намалуваат проценките за долгот на Украина за 200 милијарди долари

Кина сега се соочува со царина од 245 отсто за увоз во САД

Иран ги објави своите недопирливи црвени линии

(ВИДЕО) Тексас: Пукање во средно училиште во Далас, најмалку тројца мртви

Горан Наумовски

Оружен инцидент во средно училиште во Далас, ранет е ученик во нога

Горан Наумовски