Moсква соопшти дека Украина го нападнала Кримскиот мост, предизвикувајќи експлозија, но без штета.
Безбедносната служба на Украина (СБУ) во вторник соопшти дека експлозивна направа погодила патен и железнички мост што ги поврзува Русија и анектираниот Кримски полуостров под нивото на водата.
„Имаше експлозија“, рече портпаролот на Кремљ, Дмитриј Песков.
– Ништо не е оштетено. Мостот е функционален. Киевскиот режим продолжува со своите обиди да ја нападне цивилната инфраструктура. Русија презема мерки на претпазливост, рече Песков.
СБУ сподели снимки од експлозија во близина на еден од многуте потпорни столбови на мостот, а шефот на безбедносната служба, Василиј Малјук, рече дека мостот е легитимна цел бидејќи Русија го користи како логистичка артерија за снабдување на своите трупи.
Кримскиот мост, долг 19 километри, преку Керченскиот теснец е единствената директна врска помеѓу транспортната мрежа на Русија и Крим.