Портпаролот на Кремљ, Дмитриј Песков, денес изјави дека снабдувањето со оружје на Киев не е во согласност со обидите за промовирање мирно решение.
Коментирајќи ги испораките на оружје за Украина од страна на САД и Европа, Песков оцени дека Западот го поддржува продолжувањето на конфликтот, наведувајќи дека испораките на оружје за Киев најверојатно не се насочени кон мирно решение, туку кон продолжување на воените операции.
Песков додаде дека постојат контрадикторни информации за количините оружје што пристигнуваат во Украина.
„Очигледно е дека овие акции не промовираат мирно решение. Тоа е, во овој случај, линијата што ја избраа Европејците е апсолутно насочена кон промовирање на продолжување на воените дејствија на секој можен начин“, изјави Песков.
