Руската страна се уште не добила согласност за именување на нов амбасадор во САД, изјави денеска портпаролката на руското Министерство за надворешни работи, Марија Захарова.
Во медиумите на крајот на ноември се појавија информации дека најверојатен кандидат за функцијата руски амбасадор во САД би можел да биде Александар Дарчиев, шеф на Северноамериканскиот оддел на руското Министерство за надворешни работи.
Засега нема официјална потврда за оваа информација.
Од руското МНР изјавија за Тас дека одамна одлучиле за кандидат за нов амбасадор во САД, без да го именуваат.
Назначувањето на руски амбасадор во САД во блиска иднина го најави портпаролот на Кремљ, Дмитриј Песков.
Претходниот руски амбасадор во Вашингтон, Анатолиј Антонов, се врати во Москва откако беше разрешен од функцијата врз основа на указ издаден од рускиот претседател Владимир Путин.