Портпаролката на руското Министерството за надворешни работи предупреди дека испраќањето европски мировен контингент во Украина и евентуалниот едномесечен прекин на огнот само дополнително ќе ја ескалира војната. „Конфликтот неизбежно ќе избие повторно со обновена сила… Ова е апсолутно неприфатливо“, рече Марија Захарова.
Таа додаде дека идејата за европски мировни сили во Украина покажува дека европските лидери „не научиле ништо од минатото“. Захарова, исто така, тврдеше дека секоја европска мировна мисија, доколку се оствари, само ќе ја продолжи „агонијата“ на режимот во Киев.
Руската новинска агенција ТАСС пренесува уште неколку изјави на министерот за надворешни работи Сергеј Лавров, кој вели дека секое присуство на европските мировни сили во Украина ќе се смета за „официјално учество на НАТО во војната“. „Русија нема да дозволи тоа да се случи“, рече Лавров.