Москва бара да соработува со странски партнери во истрагата на незаконската трансплантација на органи во Косово, изјавија денеска претставници на руското Министерство за надворешни работи.
– Руската федерација придава големо значење на целосната и сестрана истрага на злосторствата извршени на Косово во врска со незаконското вадење и трансплантација на органи од дарители, изјавија претставници на руското МНР.
Москва на најсериозен начин бара конструктивна соработка со странски партнери со цел утврдување на вистината и соочување на виновниците со одговорност, соопшти руското МНР.